ابن بلدي

يا ابن مصر يا أصيل

طول عمرك نبيل

تحب الجمال

وتموت في الدلال

أصل وعراقة وحضارة

بسيط وغلبان

بس في الشدة أشجع الشجعان

وإن كان لك صديق جعان

تبقى معاه أجدع الجدعان

ترحب بالغريب

وتخده وسط ناسك ولا أقرب حبيب

دمك خفيف

زي نسيم الطيف

تحب الضحك وعلى طول فرحان

ومين هيبقى زعلان

وهو عايش هنا في أروع مكان

بص وشوف حواليك

مصر بلدك بتناديك

بتقول لك محتاجة ساعديك

يبنوا ويعمروا

وأراضيها يخضروا

ومن تقدمها يزودوا

يكبر ويعلا لفوق اسمها

والناس اللي من نبتها

يعيشوا على طول في ظلها

مستمتعين بأمنها

  

يا ابن بلدي يا غالي

يا اللي بلدك هي بلادي

ارجع .. مصر عايزاك

و بتناديك .. أنا محتاجاك

يا ترى هتلبي النداء ؟؟

ترجع وتقول لها شبيكي لبيكي

يا بلدي أنا بين اديكي

بروحي ودمي افديكي

واعمل المستحيل علشان أعليكي ؟؟

مصر يا أمي

يا اللي نيلك هو دمي

لو أطول أفديكي

روحي ما تغلاش عليكي

ده أنا بحبك وبموت فيكي

بتمنى من ربنا تكوني

أقوى وأحسن مكان

في دنيا الإنسان

الدنيا اللي خلقها الرحمن

يا رب يا رحيم

اللهم آمين