ساكتين فى ليلنا ونهارنا قاعـدين فى غيطـنا و فى دارنــــا
ساكتين فى عيون الزمن ساكتين و من سكوتنا بندفع التمن
ساكتين وسكوتنا سكينة ذابحة فينا أحلامنا وأمانينا
متغربين فى صدورنا ونفوسنا تايــــــــهة مننا
متشوقين لأرض بـكر نبـدر فيها ونـزرع حبنا
ضربة لفـــأس وقــلم يكتب فى كراس ويقولـنا
إن عم صابر أللى زرع القناطر أصله من قنـا
و اللى حصل زمان فى دنشواى دلوقتى بيحصل عندنا
وضميرنا يـدق فى صـدرنا ونمـوت فى فكـرة صمـتنا
أموت ........ أمــــوت إزاى وأنا الشـاهد على إمبارح
أنا الشــعب اللى راح يحكى من هنا ورايح
أنا الشـاب اللى شايل همه بالفكرة .........
أنا الجـد اللى كل كلمته حكمــة ............
أنا الفأس اللـى شـق الطـين وزرع فى القلوب بسـاتين
أنا اللـى عشق الخضرة فى ترابك مصبرنى
أنا اللـى ضلمة ليلك فخـوف نفسـى مسكتنى
لكن بكرة أكيد ليكـى ولينا و حنحــقق فيكى يا مصر أمانيننا
و بكـرة نـــور مش ظلمة ماتخافـــوش وإن مت أنا النهاردة
فى ألف غيرى ما يسكتوش .... فى ألف غيرى ما يسكتوش
فى ألف غيرى ما يسكتوش .... فى ألف غيرى ما يسكتوش
-----------------------------------------------------------------------------------
by my uncle Ezz El-Dardiry :)
No comments:
Post a Comment