السلام عليكم :)
جالي خواطر كثيرة و بأنا بأحفظ السورة ديه أو بأراجع عليها :)
قسمتها لأجزاء كده :)
1) تجلّي قدرة ربنا سبحانه و تعالى
أَلَمْ نَجْعَلِ الْأَرْضَ مِهَادًا (٦) وَالْجِبَالَ أَوْتَادًا (٧) وَخَلَقْنَاكُمْ أَزْوَاجًا (٨) وَجَعَلْنَا نَوْمَكُمْ سُبَاتًا (٩) وَجَعَلْنَا اللَّيْلَ لِبَاسًا (١٠) وَجَعَلْنَا النَّهَارَ مَعَاشًا (١١) وَبَنَيْنَا فَوْقَكُمْ سَبْعًا شِدَادًا (١٢) وَجَعَلْنَا سِرَاجًا وَهَّاجًا (١٣) وَأَنْزَلْنَا مِنَ الْمُعْصِرَاتِ مَاءً ثَجَّاجًا (١٤) لِنُخْرِجَ بِهِ حَبًّا وَنَبَاتًا (١٥) وَجَنَّاتٍ أَلْفَافًا (١٦)
يااااااه، حسيت ربنّا بيقول لنا "بصوا و تأملوا و ركزوا حواليكوا و هتلاقوا دلالات قدراتي... مين غيري يقدر يعمل كده؟ ركّز و شوف النعم اللي حوليك,,, شوف انا أديتك أد إيه.... هل في حد غيري يقدر يعمل كده؟"
فسبحان الخلّاق!! :) سبحان من جعل هذا الكون يمشي في نظام لا يختل و لو للحظة!! :) سبحان من سنّ السنن الكونية و سخر لنا كل هذا لخدمتنا و أد إيه احنا مش واخدين بالنا و واخدينها مسلّمات و إنها حاجات موجود للأبد عمرها ما هتتغير، مع أن كل حاجة في يد الله سبحانه و تعالى :) فإنما يقول له كن فيكون :)
2) يوم القيامة و عذاب الكافرين
إِنَّ يَوْمَ الْفَصْلِ كَانَ مِيقَاتًا (١٧) يَوْمَ يُنْفَخُ فِي الصُّورِ فَتَأْتُونَ أَفْوَاجًا (١٨) وَفُتِحَتِ السَّمَاءُ فَكَانَتْ أَبْوَابًا (١٩) وَسُيِّرَتِ الْجِبَالُ فَكَانَتْ سَرَابًا (٢٠) إِنَّ جَهَنَّمَ كَانَتْ مِرْصَادًا (٢١) لِلطَّاغِينَ مَآَبًا (٢٢) لَابِثِينَ فِيهَا أَحْقَابًا (٢٣) لَا يَذُوقُونَ فِيهَا بَرْدًا وَلَا شَرَابًا (٢٤) إِلَّا حَمِيمًا وَغَسَّاقًا (٢٥) جَزَاءً وِفَاقًا (٢٦) إِنَّهُمْ كَانُوا لَا يَرْجُونَ حِسَابًا (٢٧) وَكَذَّبُوا بِآَيَاتِنَا كِذَّابًا (٢٨) وَكُلَّ شَيْءٍ أَحْصَيْنَاهُ كِتَابًا (٢٩) فَذُوقُوا فَلَنْ نَزِيدَكُمْ إِلَّا عَذَابًا (٣٠)
بكل بساطة، قشعرت!!! و الله بجد، حسيت بخوف غريب... لأ يا رب، أنا مش عايزة أبقى من دول... يا رب احفظنا و قنا عذاب النار و ارزقنا العتق منها
3) الجزء المحبب إلى قلبي :) أهل الجنة :)
إِنَّ لِلْمُتَّقِينَ مَفَازًا (٣١) حَدَائِقَ وَأَعْنَابًا (٣٢) وَكَوَاعِبَ أَتْرَابًا (٣٣) وَكَأْسًا دِهَاقًا (٣٤) لَا يَسْمَعُونَ فِيهَا لَغْوًا وَلَا كِذَّابًا (٣٥) جَزَاءً مِنْ رَبِّكَ عَطَاءً حِسَابًا (٣٦)
ياااااااااااااااه، قعدت أتخيل كده ممكن شكل الجنة و الناس قاعدة فيها إزاي :) بس أنا عارفة أن فيها ما لا عين رأت و لا أذن سمعت و لا خطر على قلب بشر :)
نخيلت و أنا قاعدة مع صحبتي الصالحة في جنينة قصري في جنة على ضفاف النهر اللي بيمر فيها :) و قاعد معانا سيدنا محمد (ص) و سيدنا أبو بكر و سيدنا عمر بن الخطاب :) و قاعدين نتكلّم كتير و نحكي لهم و يحكوا لنا :)
تخيلت مكان "لا يسمعون فيها لغوا و لا كذّابا" :) محدش بيكدب و لا حد يطعن في حد... محدش بيغتاب حد و لا حد بيتكلم على حد و لا يضايقه :) مكان يكون فيه القلب مرتاح :) يأنس بالله و برسوله مش بأي حد تاني :))))
نفسي بجد أوي :) يا رب اوعدنا :)
4) آخر آية :)
إِنَّا أَنْذَرْنَاكُمْ عَذَابًا قَرِيبًا يَوْمَ يَنْظُرُ الْمَرْءُ مَا قَدَّمَتْ يَدَاهُ وَيَقُولُ الْكَافِرُ يَا لَيْتَنِي كُنْتُ تُرَابًا (٤٠)
قعدت أدعي ربنا سبحانه و تعالى أنه يرزقنا الإخلاص و حسن العمل و حسن الختام :) و أنه يصلح لنا قلوبنا و نفوسنا و عملنا علشان منجيش يوم القيامة و نقول "يا ليتني كنت ترابا" :) :)
الله المستعان :)
