Random Thought (3): اهدِنا الصراطَ المُستقيم

كل يوم بنقول "اهدِنا الصراطَ المُستقيم" أكثر من 10 مرات...

هل فعلاً نعنيها؟! هل فعلاً بنسعى بكل ما أوتينا من قوّة علشان نستقيم؟! هل نُجاهد أنفسنا في وقت أصبح القابضُ على دينه كالقابض على الجمر مُحاولةً منا أن نستقيم؟! هل دعائك ده ينعكس على أقوالك وأفعالك؟!!

سؤال يطرح نفسه! :) -ومتقولّيش = زيرو P:-

"لا تستوحشوا طريق الحق لقلّة سالكيه" -الإمام عليّ بن أبي طالب

اللهم ارزقنا الإخلاص واهدِنا الصراطَ المُستقيم، صراطَ الذين أنعمت عليهم، غير المغضوب عليهم ولا الضالين...

آمين...

خواطر قرآنية (3): هنا تكمُن العزِّة

مَن كَانَ يُرِيدُ الْعِزَّةَ فَلِلَّهِ الْعِزَّةُ جَمِيعاً إِلَيْهِ يَصْعَدُ الْكَلِمُ الطَّيِّبُ وَالْعَمَلُ الصَّالِحُ يَرْفَعُهُ 

If you want العزّة on this earth and the after life, So, make your ultimate goal in everything you do to "PLEASE ALLAH" :)

As I see it, 3 Main things to do 
- Take a Neyya 
- Speak Good and Honestly 
- Do Good and Do your best in it 
- أدّي فروضك 

You'll face many obstacles but Always put in your mind that "When your goal in life is to please Allah, what others think or say about you, doesn't matter" 

يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ

So We Need to think... هل ننصر الله أم عايشين "سفلئة كده من غير أي لزمة؟" :)

الله المُستعــــــــــــــان

A Thought in a Photo (24): لَوْ أَنْزَلْنَا هَذَا الْقُرْآنَ عَلَى جَبَلٍ لَرَأَيْتَهُ خَاشِعًا مُتَصَدِّعًا مِنْ خَشْيَةِ اللَّهِ

كنت باسمع الشيخ الشعراوي و هو يفسّر آية من آيات القرآن كعادتي كل صباح و أنا في الطريق على إذاعة القرآن الكريم... أول ما خلّص، لقيت الآية ديه بترن في دماغي 

"لَوْ أَنْزَلْنَا هَذَا الْقُرْآنَ عَلَى جَبَلٍ لَرَأَيْتَهُ خَاشِعًا مُتَصَدِّعًا مِنْ خَشْيَةِ اللَّهِ وَتِلْكَ الأَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُون"

سبحان الله!! الواحد لمّا يتعمّق كده في القرآن و يقرأه بتمعّن و يفهمه كويس، يحس بعظمة الله! و يحس قد إيه إنّه "فسلة" بجانب هذا الخالق العظيم الذي وضع كل شئ بنظام و خلق كل شئ بحساب!!

و في نفس الوقت، تحس قد إيه احنا "جهلة" -اعذروني- و مش عارفين قيمة هذا القرآن و لا السنّة نهائيا! مش عارفين ندرك إن كل اللي احنا عايزينه فيهما!

عايز تعرف إزاي تعيش مبسوط، هتلاقي... عايز تعرف إيه الصح و إيه الغلط، هتلاقي... محتار و بتفكّر و مش عارف إزاي تاخد قرار و عايز حد يقولّك، هتلاقي... متضايق و حاسس إنّك مخنوق و عايز حاجة تفوّقك و تنعشك و تريّحك، هتلاقى... عايز تشتغل و تنجح في شغلك و بيتك و مع أهلك و أصحابك، هتلاقي... عايز تحط منهج و نظام في شغلك و بتخطط لمشروع أو أي حاجة، سبحان الله برضو هتلاقي! و الأهم، عايز تدخل الجنة، هتلاقي الطريق :)

طب إيه بقى؟!! عايزين في حياتنا أكثر من كده إيه؟! :)))

ده ربنا بيقول لك ده من عظمة القرآن ده، لو أنزلته و عرضته على جبل، هتلاقيه خشع... و أنتَ لأ؟!!! 

ده بيفكرني بآية أخرى "إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا الْإِنسَانُ إِنَّهُ كَانَ ظَلُومًا جَهُولًا"

فاللهم اعنّا على هذة المسئولية و اهدنا و أنر بصيرتنا و اجعل القرآن ربيع قلوبنا و نهج حياتنا و اجعله يأتي يوم القيامة حجة لنا و ليس حجة علينا