أجمل ما فيكى يا مصر زغروطة طالعة
من عند الجيران تعلن بيان فرحة حب جار لجار
عشـرة قسمنا أيامها ليل و نهـار
أجمل ما فيكى يا مصر زرعة طالعة فردة غصنها
توحد ربها مروية من ترعة أصل نيلى مافيش مثيلى
سـمرة ولادنا و جمال بناتنا ســواد عيونها أه من رحيلى
أجمل ما فيكى يا مصر
دراع عفية قادرة تزرع ...تعرق ...تمسك بندقية
تروى وقت الحنين صابرة طول السـنين
أجمل ما فيكى يا مصر
أدان فجرك ساعة الصلاة يشق السكون
يجمع ولاد الطيبين لأجل ما يأدوا فريضة رب الكون
أجمل ما فيكى يا مصر
فرد الحصر ساعة العصر لأجل ما نشم نسمة هواكى
دى فاطمة طيبة وقت العصيبة تظهر و تمسح دمعة بكاكى
أجمل ما فيكى يا مصر
حنة زرعك لما بتحضن كفوف بناتك ساعة العرس
دى كلمة حب تقولها الست فأهه ليل سمع هس
------------------------------------------------------------------------
By my dear Uncle: Ezz El-Dardiry
No comments:
Post a Comment