دائماً ما يستوقفني موقف السيدة خديجة من اختلاء سيدنا محمد صلّى الله عليه وسلام بنفسه في غار حراء للتعبُّد مدّة أربعين يوماً!
يعني تخيّلوا كده واحدة زوجها مسافر وسايبها شهر و10 أيام، مش كام يوم أو أسبوع أو أسبوعين.. ومش سايبها شُغل مثلاً، ده سايبها وسايب الدنيا كلّها للابتعاد عن الناس والتفكُّر والتعبُّد...
مش بس كده! دي كمان كانت بتساعده وتشجّعه لغاية ما يرجع، ولمّا يرجع تستقبله بحفاوة بالغة وحب وابتسامة، مش "كنت فين يا أستاذ؟!" والبوز ممتد شبرين وكل شوية تليفونات ومسجات وتبعث له "أنتَ فين؟ طب عامل إيه؟ طب بتعمل إيه؟"... وفي نفس الوقت، هو كان بيحبّها إزّاي ويعاملها إزّاي و"يشاركها" في حياته إزّاي... ولا الاثنين برضو، بايعين بعض، ويلّا كل واحد فينا في حاله!
أكيد كانت بتشتاق له وهو يشتاق لها، أصل حبّهم مكنش عادي يعني بس الاثنين فهموا احتياجات بعض.. وإنّ كل واحد محتاج مساحة شخصية لوحده... وإنّه زي ما بيقول كتاب Men from Mars and Women from Venus، محتاج يدخل كهفه لفترة... والأسباب كثيرة تتعدد...
بس الأهم، إنّه شريكه مُتفهِّم بل يُعينه على ذلك! فيزداد تقديرهم لبعض، ويزداد شوقهم لبعض، وتزداد الألفة والمودة وتفضل موجودة دائماً، وتلاقيهم دائماً بعد الفترة دي يرجعوا لبعض أفضل مما تركوا بعض عليه؛ لأن كل واحد فيهم "شَحَن"..
لأنهم بيقدّروا بعض كـ"إنسان" قبل كونه "شريك"...
لو فهمنا الكلمتين دول وطبّقناهم، هنرتاح ونريّح
متخنقوش على بعض بقى! D:
دمتم سالمين مبسوطين
#زواج #سكن #سكينة #ألفة #مودة #رحمة #تفاهم #تفهُّم
يعني تخيّلوا كده واحدة زوجها مسافر وسايبها شهر و10 أيام، مش كام يوم أو أسبوع أو أسبوعين.. ومش سايبها شُغل مثلاً، ده سايبها وسايب الدنيا كلّها للابتعاد عن الناس والتفكُّر والتعبُّد...
مش بس كده! دي كمان كانت بتساعده وتشجّعه لغاية ما يرجع، ولمّا يرجع تستقبله بحفاوة بالغة وحب وابتسامة، مش "كنت فين يا أستاذ؟!" والبوز ممتد شبرين وكل شوية تليفونات ومسجات وتبعث له "أنتَ فين؟ طب عامل إيه؟ طب بتعمل إيه؟"... وفي نفس الوقت، هو كان بيحبّها إزّاي ويعاملها إزّاي و"يشاركها" في حياته إزّاي... ولا الاثنين برضو، بايعين بعض، ويلّا كل واحد فينا في حاله!
أكيد كانت بتشتاق له وهو يشتاق لها، أصل حبّهم مكنش عادي يعني بس الاثنين فهموا احتياجات بعض.. وإنّ كل واحد محتاج مساحة شخصية لوحده... وإنّه زي ما بيقول كتاب Men from Mars and Women from Venus، محتاج يدخل كهفه لفترة... والأسباب كثيرة تتعدد...
بس الأهم، إنّه شريكه مُتفهِّم بل يُعينه على ذلك! فيزداد تقديرهم لبعض، ويزداد شوقهم لبعض، وتزداد الألفة والمودة وتفضل موجودة دائماً، وتلاقيهم دائماً بعد الفترة دي يرجعوا لبعض أفضل مما تركوا بعض عليه؛ لأن كل واحد فيهم "شَحَن"..
لأنهم بيقدّروا بعض كـ"إنسان" قبل كونه "شريك"...
لو فهمنا الكلمتين دول وطبّقناهم، هنرتاح ونريّح
متخنقوش على بعض بقى! D:
دمتم سالمين مبسوطين
#زواج #سكن #سكينة #ألفة #مودة #رحمة #تفاهم #تفهُّم
أنت عبقرية :)
ReplyDeleteربنا يكرمك يا عراقي :)
ReplyDeleteكلام عاقل جدًا جزاكِ الله خيرًا، والحقيقة أن التتبُع المبالغ فيه بين الزوجين - إلا للاطمئنان أو لاحترام الغيرة - يفقد الحياة لٌطفها حتى لما هييجوا على نفسهم ويقعدوا مع بعض جبر بتبقى القعدة ملهاش طعم. غير لما يكون كل طرف مراعي الثاني كوقت وكل طرف مراعي برضو مشاعر التاني.
ReplyDeleteبالظبط كده يا حيدرة :)
ReplyDelete