كنّا نتكلّم عن أحوال العمل، أنا و أحد أصدقائي، و جت سيرة المرتبات و أحوال الاقتصاد المتدّنية و بالتالي إن ممكن المرتبات تبقى متأخرة شوية...
فسألني: "يعني أنتِ شغّالة كده لله في الله"؟ ابتسمت و قعدت يومها أفكّر هو أنا أصلا بشتغل ليه؟!! و إيه اللي مصبّرني على الأحوال الاقتصادية و المادية الصعبة ديه؟!
بعد ما قعدّت أدّور جوة نفسي و أفكّر، طلعت بالآتي...
الفكرة في الشغل إن الواحد مش بيشتغل علشان الفلوس و بس... لو الفلوس كانت الدافع الوحيد ورا شغلي كان زماني سبت الشغل من زمان!
بس النقطة إنها "الدنيا"... بمعنى، أنها وسيلة و ليست غاية! الواحد مش عايز منها أكثر من رضا ربنا سبحانه و تعالى....
لازم تاخد بالك إنّك اتحطيت في مكان و ده يُلزمك بمسئولية... و لازم تعمل اللي عليك... ربنا سبحانه و تعالى أمرنا بالسعي و هو الرزّاق الكريم اللي عليه الرزق :)
"اعمل اللي عليك و أحسِن... و رزقك هيجيلك لغاية عندك... كلّه في وقته"
مبدأ أخذته في حياتي و اشتغلت به... ربنا سبحانه و تعالى وعدني و وعد كل واحد فينا "إنه لا يُضيع أجر من أحسن عملا" و من أصدق من الله وعدا! :)
فمش محتاجة أقلق وأشغل بالي بزيادة.... لإنّي واثقة جدا في الله و عندي يقين كامل أن أي ذرة تعب، هآخذ أجر عليها... سواء دلوقتي أو بعدين...سواء في الدنيا أصلا أو في الآخرة..
اللي عليّا أشتغل كويس... و أتقي الله في عملي و وقتي... لازم أفكّر كويس إيه القيمة المضافة اللي أنا هعملها في المكان؟ هل لمّا أسيب المكان و أمشي، هكون عملت فرق و لا لأ؟
عوامل كثيرة جدا تأخذها في الحسبان.... بس أهم حاجة في الأول و في الآخر، إنّي واثقة في ربّي أوي... و عارفة أن كل حاجة بتحصلّي هو الخير.... فبالتالي، البال مرتاح...
صحيح الواحد بيتعب و يواجه أزمات كثيرة، بس الثقة بالله بتشيل من عليك هم كبير... فلماذا أُدمن التفكير و الله ولي التدبير؟ :)
و في الأول و الآخر، "وَمَا أَسْأَلُكُمْ عَلَيْهِ مِنْ أَجْرٍ إِنْ أَجْرِيَ إِلَّا عَلَى رَبِّ الْعَالَمِينَ " :)
أخيرا، أدعوكم لسماع هذا الفيديو :)
كان في قعدة حلوة مرة فريد قال خاطرة عرفها من شيخ إنه إحنا بناخد بالأسباب كلها.. وبعدين بخصوص النتيجة اعتقادنا إن ربنا سبحانه وتعالى هو اللي عليه النتيجة بالكـــامل وكأن الأسباب دي ملهاش أي لازمة..
ReplyDeleteطب ليه باخد بالأسباب؟
عشان دي عبادة أصلا وأنا مأمور بكدة.. بس مش آجي أقول الفضل لله ثم لكذا وكذا.. لا.. الفضل كلــــه لله.
بالظبط كده :))))
ReplyDeleteجزاكَ الله خيرا يا حيدرة :)